Iumorii :-D

– ბავშვებო‚ რომელი ადამიანის გმირობებს გაიმეორებდით?
– ჯორდანო ბრუნოს...
– მაგელანის...
– მე, ჯაკომო კაზანოვას ყველა გმირობას‚ მასწ!

***
მეტროს მატარებელი‚ გლდანი-ვარკეთილის ხაზი‚ პიკის საათი:
– კაცო‚ ზედ რომ მაწევხარ, არაფერს გეუბნები და ნუ დაიძინებ მაინც‚ თორემ ძალიან მძიმდები...
***
დირექტორი კადრების განყოფილების უფროსს აფრთხილებს:
– სამსახურში თანამშრომლების მიღებისას გაითვალისწინეთ და, აუცილებლად ეცადეთ, გაიგოთ‚ პატიოსანია თუ არა ის‚ რადგან, შემჩნეულია‚ რომ წესიერი ადამიანები ცოტას იპარავენ.
***
პაპუასებმა დაიჭირეს გერმანელი‚ ამერიკელი და რუსი. უთხრეს: ვინც ისეთ სიტყვას იტყვის‚ რომლის მნიშვნელობაც ჩვენ არ ვიცით‚ გავუშვებთ, ხოლო, ვის ნათქვამ სიტყვასაც ავხსნით – შევახრამუნებთო.
გერმანელი ჩაფიქრდა და თქვა: „მობილური“.
პაპუასები გვერდზე გავიდნენ‚ ერთად შეგროვდნენ‚ იჩურჩულეს და დაბრუნდნენ. ერთი მათგანი წინ გამოვიდა და თქვა: – ეს კნოპკებიანი პატარა კოლოფია‚ რომლითაც შეგიძლია‚ შორს მყოფ ადამიანთან ილაპარაკო, – და შეჭამეს საწყალი გერმანელი.
ამერიკელმა – კომპიუტერიო.
კიდევ ითათბირეს პაპუასებმა და თქვენს:
– ესეც ვიცით: ისეთი ყუთია‚ ეკრანით‚ რომელზეც შეიძლება ასოები დაბეჭდო‚ ითამაშო... მოკლედ, შეჭამეს ამერიკელიც.
რუსი მიხვდა‚ წასულია ჩემი საქმეო და მწარედ ჩაილაპარაკა:
– „ეფესბე“ (უშიშროების ფედერალური სამსახური)...
პაპუასებმა ითათბირეს‚ იჩურჩულეს და ბოლოს უთხრეს – არ ვიცით. წადი‚ თავისუფალი ხარ‚ ოღონდ, აგვიხსენი, ეს რას ნიშნავსო.
– ისინიც თქვენსავით ნაძირლები არიან‚ როგორც თქვენ: გავლენ ითათბირებენ‚ იჩურჩულებენ და... აღარ არის ადამიანი.
***
– თქვენი ჰობი?
– მე მწვანე ნუმიზმატი ვარ.
– ?
– ამერიკულ დოლარებს ვაგროვებ.
***
პროფესორი დაფაზე ფერადი ცარცებით ურთულეს გრაფიკებს ხაზავს. რამდენიმე სტუდენტმა წამოიყვირა:
– ბატონო პროფესორო‚ ცისფერებს ვერ ვხედავთ!
– ცისფერებო‚ გადმოსხედით წინ! – გასძახა აუდიტორიას პროფესორმა, ისე‚ რომ დაფისთვის თვალი არ მოუცილებია.
***
გაყრილი ცოლ-ქმარი ერთმანეთს რამდენიმე წლის შემდეგ შეხვდა. კაცი არც ისე შეცვლილია‚ სამაგიეროდ, ქალი მაგარ მანქანაში ზის‚ ოქროულობა‚ ძვირფასი მოსასხამი... ქმარყოფილმა დამცინავად შეათვალიერა ყველა მისი ფუფუნება და სარკასტულად ეკითხება:
– ვინ არიან ის „ბედნიერები“?
***
აქილევსის სახე ბერძნებმა‚ რუსული პერსონაჟის – უკვდავი კოშჩეის ანალოგიით შექმნეს‚ უბრალოდ‚ მას სული კვერცხში კი არა, ქუსლში აქვს.
***
– რატომ დაგიკლავთ ასეთი პატარა გოჭი‚ შე კაცო‚ ნახე‚ ხორცი თითქმის არც აქვს...
– მე დავკალი? თვითონ მოკვდა...
***
ღამის ბარი‚ მუსიკა‚ დარბაზში ნისლივით დგას სიგარეტის ბოლი... შემორბის სპეცრაზმი. მეთაურმა ავტომატი გადატენა.
– ჯანმრთელობის სამინისტრო უკვე დაიღალა გაფრთხილებებით!
***
მამაკაცმა აღმოაჩინა იარაღი და გამოიგონა ნადირობა; ქალმა აღმოაჩინა: ნადირობა და გამოიგონა ქურქი.
მამაკაცმა აღმოაჩინა სიტყვა‚ გამოიგონა მეტყველება; ქალმა აღმოაჩინა მეტყველება‚ გამოიგონა ჭორი.
მამაკაცმა აღმოაჩინა ფერები‚ გამოიგონა ფერწერა; ქალმა აღმოაჩინა ფერწერა‚ გამოიგონა კოსმეტიკა.
მამაკაცმა აღმოაჩინა მიწათმოქმედება‚ გამოიგონა საჭმელი; ქალმა აღმოაჩინა საჭმელი‚ გამოიგონა დიეტა.
მამაკაცმა აღმოაჩინა მეგობრობა‚ გამოიგონა სიყვარული; ქალმა აღმოაჩინა სიყვარული‚ გამოიგონა ქორწინება.
მამაკაცმა აღმოაჩინა ქალი‚ გამოიგონა სექსი; ქალმა აღმოაჩინა სექსი‚ გამოიგონა თავის ტკივილი.
მამაკაცმა აღმოაჩინა ვაჭრობა‚ გამოიგონა ფული; ქალმა აღმოაჩინა ფული და ამის შემდეგ დაიწყო პრობლემები‚ პრობლემები...
***
განცხადება:
„მარტოხელა რომანტიკული ახალგაზრდა ეძებს, უბრალოდ, ადამიანურ გაგებას‚ სითბოს‚ ალერსს‚ რამე საჭმელს და ღამის გასათევს“...
***
– იცი‚ როგორ არის მოწყობილი ადამიანი?
– რა თქმა უნდა, სხვადასხვანაირად: ზოგი ნაცნობობით‚ ზოგი – ფულით...
***
„მას საერთოდ არ შეუძლია თხილამურებით სრიალი‚ მე კი ვერაფრით ავითვისე ძიუდო“‚ – გაიფიქრა შტირლიცმა.. მას შემდეგ რუსულ შპიონაჟში ბევრი რამ შეიცვალა...
***
– არიქა‚ ჩქარა ჩაიფიქრე რამე!
– რატომ?
– ვარსკვლავი ვარდება...
– აბა‚ სად?
– სცენიდან...
***
ექიმმა პაციენტი გასინჯა‚ ანალიზები შეამოწმა და ჩაფიქრდა. ფიქრობს‚ ხმას არ იღებს...
– ექიმო‚ რა მჭირს?
– იცით‚ მიჭირს თქმა...
– სიმართლე მითხარით‚ ყველაფრისთვის მზად ვარ.
– იცით‚ თქვენ გაქვთ...
– გთხოვთ‚ ექიმო, მზად ვარ ყოველგვარი საშინელების მოსასმენად.
– კარგი... თქვენ ის‚ ტრახო... ტრიხომედ.... ტრიხომონადიოზი გაქვთ... – ხომ გითხარით‚ შეუძლებელია თქმა...