ბავშვების დიდი მოლოდინი მუსიკისა და დრამის თეატრში 

ვასო აბაშიძის სახელობის მუსიკალური კომედიისა და დრამის სახელმწიფო თეატრის მთავარმა რეჟისორმა „ქეთო და კოტეზე” მუშაობა დაამთავრა და წარმატებული პრემიერაც შედგა! თუმცა, თეატრში არანაკლებ ემოციური და რომანტიკული, თანაც რეალური სასიყვარულო ისტორიები იწერება, შედეგად კი, როგორც მსახიობები ამბობენ, თეატრი შვილების მოლოდინშია. მსახიობი თორნიკე გოგრიჭიანსა და მის მეუღლეს, ნინო ქორიძეს, სულ რაღაც ორ თვეში შვილი შეეძინებათ. წყვილს ბავშვისთვის სახელი ჯერჯერობით შერჩეული არ აქვს. როგორც თავად ამბობენ, რომ დაიბადება და დავინახავთ, სახელსაც მერე მოვუხდენთო. თეატრის მსახიობი ლაშა რამიშვილი მეორე შვილის მოლოდინშია, მსახიობ დავით ბეშიტაიშვილის ცოლმა კი ორი გოგოს შემდეგ, მესამე ბიჭი გააჩინა.